Ebanjelio Sinoptikoak

Benito Marconcini 1938an jaio zen eta 1962an apaiztu. Doktorea da teologian eta Hizkuntza Klasikoetan eta lizentziatua Idazteunean. Irakasle da eta zuzendari Florentziako Ikastetxe Teologikoan. Hainbat aldizkaritan hartu du parte eta hainbat obra argitaratu ditu Bibliako liburu desberdinez. Ebanjelioek, gizon-emakume guztiengana iritsi nahi duenaren hitz direnez, gauza guztiz argia izan beharko lukete pertsona guztientzat. Are gehiago, izaera xumea eta herrikoia dutela kontuan hartzen bada. Halere, haien ezagutzan pixka bat sakondu nahi izaten denean, zera sumatzen da: arnasten dituen pentsamoldea eta darabilten lengoaia gureak ez bezalakoak direla: garbi nabari dira idatzi zirenetik igaro diren bi mila urteak. Horregatik, beharrezkoa da esku artean sarrera-liburu bat izatea, ebanjelioak irakurtzeko eta beren baitan dituzten altxor handiak argitara ateratzeko giltza eskura izatea. Asmo horixe izan du gogoan ebanjelio sinoptikoei, Mateoren, Markosen eta Lukasen araberako ebanjelioei, eskaini nahi izan dien liburu honen egileak